Click on a word to bring up parses, dictionary entries, and frequency statistics
“
[16]
Chrysippus
quidem, quamquam est acerrimo ingenio, tamen ea
dicit ut ab ipsa natura didicisse, non ut ipse repperisse videatur. "Si enim" inquit "est aliquid in rerum natura quod hominis mens quod ratio quod vis quod potestas humana efficere non possit, est certe id quod illud
efficit homine melius; atqui res caelestes omnesque eae
quarum est ordo sempiternus ab homine confici non
possunt; est igitur id quo illa conficiuntur homine melius. id autem quid potius dixeris quam deum? Etenim
si di non sunt, quid esse potest in rerum natura homine
melius; in eo enim solo est ratio, qua nihil potest esse
praestantius; esse autem hominem qui nihil in omni
mundo melius esse quam se putet desipientis adrogantiae est; ergo est aliquid melius. est igitur profecto
deus.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.